Nagmangtas ang NLEX Road Warriors ug Northport Batang Pier sa managlahi nga duwa sa Philippine Basketball Association (PBA) Philippine Cup sa Ninoy Aquino Stadium, Sabado, Abril 13.
Ang rookie nga si Xyrus Torres ug beterano nga si Robert Bolick nagtambayayong alang sa NLEX aron hubsan sa kolor ang Rain or Shine Elasto Painters, 109-95.
Mipabuto si Torres og 28 puntos gikan sa hapit perpekto nga 11-of-12 clip samtang si Bolick mipakatap og 23 puntos, 12 assists ug pito ka rebounds.
Ang Road Warriors nakabawi sa ilang pagkapilde sa San Miguel Beermen sa miaging semana.
Sa lain nga duwa, gisugdan sa Batang Pier og kadaogan ang conference ug gilubong ang Terrafirma Dyip, 97-75.
Gipangulohan ni Alvin Tolentino ang Batang Pier og hapit kini maka triple double sa stats nga 19 puntos, 12 assists ug walo ka rebounds.
'Yun 'yung isa na wino-work out ko, especially during practice, 'yung sharing the ball, making sure na maganda read ko sa defense, and... I can't rely on my scoring lang, di ba? Dahil I'm sure 'yung mga teams iyun ang unang titingnan sa akin," batbat ni Tolentino.
"So I really have to be better on moving the ball, reading the defense. In this game medyo maganda naman naging result,” dugang niya.