Mga duwa karon
5:00 PM Blackwater Bossing batok San Miguel Beermen
7:30 PM NLEX Road Warriors batok Meralco Bolts
Usa na lang ka daog ang kinahanglan sa NLEX Road Warriors aron makasulod diretso sa quarterfinals ug magpabiling lig-on ang ilang posisyon sa Top Four. Apan alang sa team, ang ilang tan-aw karon mao ang pagkab-ot sa labing maayo nilang makaya.
Usa ka dakong pagsulay sa ilang kapasidad mao ang duwa karong Dominggo, Mayo 25, 2025, kontra sa reigning Philippine Basketball Association (PBA) Philippine Cup champions Meralco Bolts sa PhilSports Arena sa Pasig.
Samtang ang Road Warriors nagtinguha nga mapormal ang ilang pagsulod sa playoffs, ang Bolts usab maningkamot nga lig-onon ang ilang pagkahawid sa ikawalong pwesto.
Magsangka ang NLEX ug Meralco sa ilang hinungdanong duwa alas 7:30 sa gabii. Ang Bolts gustong makabalik sa .500 record sa ilang ikaduhang katapusang duwa sa eliminations.
Human mapilde sa ilang opening game kontra San Miguel Beer, dali ra nakabawi ang tropa ni coach Jong Uichico ug wala na gyud mapasangil sukad niadto, nakadaug na og unom ka sunod-sunod nga duwa—pinakataas sa ilang kasaysayan.
"It (program) is showing good signs," matod ni Uichico. "But it's too early to tell. Marami diyan nag-i-streak tapos will falter in the end. Hindi naman 'yun ano (goal) namin, eh. Basta kami tuloy-tuloy lang kami. We're playing well but alam naman natin pagdating ng dikdikan, ibang usapan na 'yun. So that is the next test."
Anaa na karon sa homestretch sa ilang elimination schedule ang Road Warriors, diin mopadayon sila sa ilang kampanya batok sa Meralco, Phoenix Super LPG Fuel Masters, Magnolia Hotshots ug NorthPort Batang Pier.
Duha pa ka kadaugan ang posibleng mopahimutang kanila sa usa ka Top Four finish nga maghatag og twice-to-beat nga pribilehiyo sa quarterfinals.
Ang Meralco, sa laing bahin, nagtinguha nga masundan ang ilang kadaugan batok sa Blackwater sa ilang milabay nga duwa. Ang pagdaug karon mopatimbang sa ilang record sa 5-5, ug magbilin kanila og tulo ka kadaogan nga labaw sa ilang nga tigukod nga Phoenix (2-5).
Ang tropa ni coach Luigi Trillo aduna pay katapusang duwa batok sa Barangay Ginebra Gin Kings karong May 30. / RSC