Nasikop ang giilang number 8 most wanted person sa regional level nga nag atubang og kasong Qualified Sexual Assault sa Tagbilaran City Police Station ala 1:35 sa hapon, Huwebes, Marso 13, 2025 sa Calceta St., Brgy. Cogon, Siyudad sa Tagbilaran Probinsya sa Bohol.
Ang akusado giila nga si alyas Danilo, 33, taga Purok 6, Calceta Street, Barangay Cogon, Tagbilaran City.
Ang kapulisan sa dakbayan sa Tagbilaran ni-serve sa warrant of arrest batok kang Danilo nga giluwatan ni Judge Samsun Ariel Chiang-Cayetuna ang Acting Presiding Judge sa Regional Trial Court, 7th Judicial Region, Branch 3, sa Tagbilaran ,Bohol nga dunay gitugot nga pyansa nga P200,000 alang sa temporaryong kagawasan pinitsahan niadtong Marso 5, 2025.
Kasamtangan nga gikustodiya si Danilo sa Tagbilaran City Police Station ug gitakdang iatubang siya sa korte nga maoy nag-isyu sa warrant of arrest.
Matod ni Police Lieutenant Colonel John Kareen Escober, hepe sa Tagbilaran City Police Station, nahitabo ang krimen niadtong Enero 2025 ug ang biktima iyang silingan.
Sa nakuha nila nga kasayuran nga walay trabaho ang akusado apan nagumon kini sa ilegal nga drugas sa maong barangay nga maoy hinungdan nga iyang nahimo ang paglugos sa biktima. /AYB