Gipahibalo sa Land Transportation Office (LTO) Central Visayas office (LTO) 7 ang publiko nga walay pagpangdakop alang sa mga sakyanan nga wala pa ma-claim ang permanente nga plaka.
Ingon man, walay P5,000 nga multa ang kolektahon sa mga sakyanan nga naggamit og temporaryo o daan nga mga plaka.
Kini sukwahi sa unang pamahayag ni LTO Regional Director Glen Galario nga sugdan na og dakop sunod semana kadtong mga sakyanan nga walay permanente nga plaka.
“We appreciate all vehicle and motorcycle owners for their efforts in visiting our offices and claiming their plates. Vehicles with Motor Vehicle File Numbers starting with 0701 or those that were registered from 2018 to the present can claim their plates at our LTO Subangdaku Office in Mandaue City,” matod sa LTO sa ilang press statement.
“We thank all vehicle and motorcycle owners for their positive response to this campaign to release all backlog plates before the deadline,” dugang niini.
Samtang ang mga sakyanan nga adunay MV File Numbers nga nagsugod sa 0716 o kadtong narehistro gikan 2014 hangtod 2017 mahimong mobisita sa LTO Cebu City District Office sa Robinson’s Galleria o sa ilang labing duol nga LTO Office. / PR