Norfil nangita sa mga ginikanan, paryente sa bata

Roseminda
Roseminda

Ang Norfil Foundation Inc., usa ka social welfare agency nga nagbase sa Lapu-Lapu Cit,y nanawagan sa atensiyon sa mga ginikanan o paryente ni Alfonso Jr. Roseminda, usa ka tuig ug pito ka bulan ang pangidaron karon, nahimugso niadtong Septiyembre 26, 2022.

Ang ginikanan sa bata giila nga si Jenary Roseminda nga uwahi’ng address nasayran nga naa sa M.J Cuenco Ave., Barangay San Roque, Cebu City.

Niadtong Oktubre 19, 2022, si Alfonso Jr. gidala sa iyang inahan sa Cebu City Medical Center tungod kay siya naay sakit.

Apan niadtong Oktubre 20, 2022, alas 8:00 sa buntag, nag edad pa og 3-ka semana ang bata, nahibaw-an nga wala na si Jenary sa ward sa CCMC aron moatiman sa iyang anak ug kini iyang giabandona.

Gi-refer si Alfonso Jr. sa Department of Social Welfare and Development (DSWD) Cebu City niadtong Nobiyembre 18, 2022 alang sa temporaryong pag-amoma sa bata.

Ug niadtong Marso 8, 2023, gibalhin siya sa foster family sa Norfil Foundation Inc., Lapu-Lapu City.

Kinsa kadtong dunay kahibalo o paryente sa bata, palihog pakigkita o tawag sa 340-5722 ug pangitaa si Angelina Dungog, Area Manager, ug Social Worker Eva Banzuela sa 0918963267 ug 09127799359 o bisita sa Norfil Foundation Inc., Airbase Road, Sangi, Brgy. Pajo, Lapu-Lapu City sa labing dali nga panahon.

Kon walay motunga nga ginikanan o paryente sa bata sulod sa tulo ka bulan gikan ning pagmantala, ang bata ipaubos sa “legal abandonment” pinaagi sa DSWD ug isyuhan og certificate isip legally available for adoption ubos sa Republic Act 11642. / PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph