‘Notadong’ carnapper, nadakpan

SunStar Local News
SunStar Local News

Giila sa kapulisan nga notadong carnapper og motorsiklo ug nahimutang sa number 7 most wanted person sa Central Visayas nadakpan sa mga sakop sa Labangon Police Station sa pagpangulo sa hepe niini nga si Police Major Eraño Regidor, ala 1:30 sa hapon sa Martes, Mayo 28, 2024, sa Upper Kalunasan, Brgy. Kalunasan, dakbayan sa Sugbo.

Ang Labangon Police Station armado og warrant of arrest nga giluwatan ni Judge James Stewart Ramon E. Himalaloan sa Regional Trial Court (RTC) Branch 7 sa Dakbayan sa Sugbo batok kang Adrian Labandero Jeppesen, 29, taga Sitio Kawayanan, Brgy. Buhisan sa kaso’ng New Anti-Carnapping Law pinitsahan og Mayo 13, 2024 nga dunay pyansa nga P300,000.

Kasamtangan nga gikustodiya sa Labangon Police Station ang akusado samtang giandam na ang mga dokumento aron pag turnover niini sa korte nga nag isyu sa warrant of arrest.

Matod ni Regidor nga banggiitan nga kawatan og motor ang ilang nadakpan, diin daghan na sila og reklamo nga nadawat nga hinimoan ni Jepessen.

“Daghan na nga reklamo aning tawhana kay master ni nga mangawat,” matod ni Regidor.

Human nila nadawat ang warrant of arrest, ila dayon ni nga gipaubos sa surveillance.

Sa dihang nahibaw-an ang nahimutangan niini, gilusad dayon ang manhunt sa tracker team sa Labangon Police Station. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph