‘Notadong tulisan’ nga magmotorsiklo, nasikop

‘Notadong tulisan’ nga magmotorsiklo, nasikop
SunStar Local News GPX

Giila sa kapulisan nga notadong tulisan nadakpan sa mga sakop sa Mabolo Police Station sa pagpa­ngulo sa ilang hepe nga si Police Major Romeo Caacoy sa Barangay Banilad, dakbayan sa Sugbo, alas 6:30 sa gabii, Miyerkules, Enero 17, 2024.

Ang suspek mao si Drexler Sapio Jabel, 26, taga Brgy. Lamac, lungsod sa Consolacion.

Sa imbestigasyon sa Mabo­lo Police Station nga samtang nagbaktas ang biktima sa Pope John Paul Ave. sa Barangay Mabolo nga si Niña Marie Mancado Velas, 22, taga Ucma Village, Barangay Apas, dakbayan sa Sugbo, uban sa iyang uyab, kalit lang niabot ang suspek sakay sa iyang motorsiklo ug dayong deklarar og tulis samtang nagtion og armas.

Gigunitan sa suspek ang bag sa biktima nga dunay sulod nga Iphone 11 nga balor P33,000 ug mga importante nga dokumento.

Human makuha ang bag, dali ni nga misibat samtang ang mga biktima nidiretso sa Mabolo Police Station aron i-report ang insidente.

Dali nga milusad og follow up operation ang kapulisan subay sa paghulagway sa mga biktima sa suspek ug ila ning nadakpan sa Barangay Banilad, dakbayan sa Sugbo.

Human ni nadakpan, positibo nga gitudlo sa mga biktima si Jabel ug sa pag-search niini, nakuha sa iyang posisyon ang cellphone sa biktima.

Lakip sa nakuha ang usa ka .38 kalibre nga revolver nga gisuksuk sa hawakan niini nga maoy gigamit sa pagtulis sa biktima.

Kasong robbery ug ilegal nga pag­hupot og armas ang gikatakda nga isang-at sa Mabolo Police Station batok sa suspek. Ila pang gisubay kon duna pa bay laing nabiktima niini sa pagpanulis.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph