Nuggets, 3-2 na kontra sa Wolves

MVP: Human niya nadawat ang iyang ikatulong MVP award, nimugna og 40 puntos si Nikola Jokic aron agakon ang defending champion Denver Nuggets sa kadaugan batok sa Minnesota Timberwolves, 112-97, sa Game 5 sa ilang Western Conference 2nd round playoffs series sa NBA ning Miyerkules, Mayo 15, 2024 (PH time). /
MVP: Human niya nadawat ang iyang ikatulong MVP award, nimugna og 40 puntos si Nikola Jokic aron agakon ang defending champion Denver Nuggets sa kadaugan batok sa Minnesota Timberwolves, 112-97, sa Game 5 sa ilang Western Conference 2nd round playoffs series sa NBA ning Miyerkules, Mayo 15, 2024 (PH time). / AP PHOTO

Gisaulog ni Nikola Jokic ang iyang pagdawat sa ikatulo niyang MVP award pinaagi sa pagposte og 40 puntos nga maoy nag-agak sa host Denver Nuggets ngadto sa kadaugan batok sa Minnesota Timberwolves, 112-97, sa Game 5 sa ilang Western Conference 2nd round playoffs series sa National Basketball Asso­ciation (NBA) ning Miyerkules, Ma­yo 15, 2024 (PH time).

Ang defending champion Nuggets, nga na­sugamak sa kapildihan sa nag-unang duha ka mga duwa sa best-of-seven series, nirehistro sa ikatulo nilang sunodsunod nga kadaugan ug mao na karon ang naglabaw ning maong panagparang, 3-2.

Si Aaron Gordon nidugang og 18 puntos samtang niamot og 16 puntos si Jamal Murray alang sa Nuggets, nga karon pa nakatilaw og daog sulod sa ilang balwarte ning maong series.

Si Anthony Edwards, kinsa ma­­o ang labing pambato sa Tim­ber­wolves sa opensa, nalimitahan lang og 18 puntos ning sangkaa.

Gipangulohan ni Karl-Anthony Towns ang Timberwolves pinaagi sa iyang 23 puntos samtang niamot og 18 puntos si Rudy Gobert.

Si Jokic, kinsa gituno­lan ni commissioner A­­dam Silver sa iyang laing MVP award sa pregame ceremony, nimugna og 19 puntos sa nag-unang duha ka quarters aron hatagan ang Nuggets og 50-44 nga labaw.

Nidugang og 16 puntos si Jokic sa 3rd quarter.

Ang iyang hansak sa nahabiling 7:12 minutos sa 4th quarter maoy naka­hatag sa Nuggets og 98-80 nga labaw.

Human niini, kontrolado na sa Nuggets ang kombati hangtod na sa katapusang gutlo. / AP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph