Nuggets gitaktak sa Wolves

AP
DEPENSA: Naglisod si Minnesota Timberwolves center Karl-Anthony Towns (tuo) ning aktuha tungod sa pilit nga depensa ni Denver Nuggets guard Jamal Murray (wa) sa deci­ding Game 7 sa ilang Western Conference semi-finals series sa NBA ning Lunes, Mayo 20, 2024 (PH time). / AP

Mibangon gikan sa 20 puntos nga pagkalubong sa 2nd half ang Minnesota Timberwolves aron palagputon ang host ug defending champion Denver Nuggets pinaagi sa kadaugan sa deciding Game 7, 98-90, sa ilang Western Conference semi-finals series sa National Basketball Association (NBA) ning Lunes, Mayo 20, 2024 (PH time).

Nahimo kini sa Timberwolves bisan nagkagidlay ang duwa sa ilang labing pambato sa opensa nga si Anthony Edwards sa sayong bahin nga maoy hinungdan nga nalubong sila og 15 puntos, 53-38, sa halftime.

Si Edwards igo lang naka­mugna og upat ka mga puntos sa nag-unang duha ka quarters apan nanginit kini sa 2nd half ug nakatampo og 16 puntos, walo ka rebounds ug pito ka assists pagkahuman sa duwa.

“It was tough, man, because I couldn’t find myself, my rhythm tonight,” batbat ni Edwards.

“So I just had to trust my teammates... I just had to make the right plays throughout the rest of the game. I did that and my teammates made shots. Big shout-out to those guys.”

Ang Timberwolves gipangulohan nila ni Jaden McDaniels ug Karl Anthony-Towns pinaagi sa ilang 23 puntos matag usa samtang niamot og 13 puntos si Rudy Gobert.

“There’s more ways to win the basketball game when you’re just not an offensive player,” dugang ni Edwards.

Ang Nuggets gipangulohan ni Jamal Murray pinaagi sa iyang 35 puntos samtang niamot og 34 puntos ug 19 ka rebounds si three-time MVP Nikola Jokic.

Apan gawas nila Murray ug Jokic, wala na’y laing sakop ang Nuggets nga nakahimo og dobleng numero nga puntos.

Ang Timberwolves nakata­ak sa Western Conference finals series sa labing unang higa­yon sulod sa 20 ka mga tuig.

Ang sunod nga misyon sa Timberwolves mao ang pag­pakigba­tok sa Dallas Ma­vericks, nga ning­­tak­tak sa Oklaho­ma City Thun­­­der, 4-2, sa laing Western Con­­fe­­rence semi-finals series. / AP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph