Nuggets, Wolves magbinirahay sa Game 7

SunStar Basketball
SunStar Basketball

Hutdon na sa defending champion Denver Nuggets ug Minnesota Timberwolves ang tanan nilang bala alang sa winner-take-all Game 7 sa ilang Western Conference semifinals sa National Basketball Association (NBA) Lunes sa buntag (PH time) sa Denver.

Kulbahinam ang maong series kay walay nagtuo nga makuha sa Timberwolves ang unang duha ka mga daog sa korte mismo nila ni three-time MVP Ni­kola Jokic.

Apan sa dihang nagtuo na ang kadag­hanan nga mo­lubog ang Nuggets, mi­balos kini’g da­og sa tulo ka sunodsunod nga duwa aron balihon ang hangin sa series.

Niadtong Biyernes, natabla sa Timberwolves ang maong series human nila gilapa ang Nuggets. Mao kini ang unang higayon nga nidaug ang Timberwolves sa ilang korte sa maong series.

Giatangan sa mga tawo ang panagtigi sa Denver duo nga sila si Jokic ug Jamal Murry kontra sa pares sa Timberwolves nga sila si Anthony Ed­wards ug Karl Anthony-­Towns. / RSC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph