Ning puntoha, tanang atensyon ni Filipino pole vaulter EJ Obiena nakatutok na alang sa iyang kampanya sa umaabot nga 2024 Paris Olympics, taho sa www.gmanews.tv.
Si Obiena, kinsa kasamtangang naa sa Italy, malaumon nga ang tanang kalampusan nga iyang naabot sa miaging tuig nakadugang kaniya og pagsalig sa pagkab-ot og bulawan sa matag upat ka mga tuig nga kompetisyon.
Ang kasamtangang world No. 2 nihuman sa tuig 2023 bawon ang gold medals sa Southeast Asian Games (SEAG), Asian Games, ug silver medal sa World Championships.
Padayon si Obiena sa pag-training sa Christmas holidays, timailhan kon unsa siya ka determinado.
Ang labing unang kompetisyon nga salmutan ni Obiena sa 2024 ipahigayon karong Pebrero sa Europe.