Obiena midaog sa US sa unang higayon

Obiena.
Obiena.File photo

Sa labing unang higayon, naangkon ni Filipino No.1 pole vaulter EJ Obiena ang labing una niyang titulo sa yuta sa Amerika.

Isip bugtong naka-clear sa 5.8-meter mark, si Obiena misakmit sa kampyunato sa USA Track and Field Los Angeles Grand Prix.

“It’s good. I think this is my first win on US soil so it’s very good. Definitely unexpected. I just wanted to make bars. I’m feeling a little bit under the weather today but sunny LA. Good stuff,” matod ni Obiena nga napatik sa www.gmanews.tv.

Dili sab sayon ang naagian ni Obiena ning maong kompetisyon diin lakip sa iyang gikaharong mao sila si Ame­rican record-holder KC Lightfoot, Saudi record-holder Hussain Assem Al-Hizam, ug 2020 Olympic silver medalist Chris Nilsen.

“It shows we’re still there. We’re still building. The height doesn’t even show what I can do but I didn’t want to take a little bit more risks than necessary so I stopped as soon as I knew I won,” dugang ni Obiena.

“So it’s a good sign there’s still things we need to work on. Today was more like a test.”

Si Obiena nag-training sa US sa miaging unom ka mga se­mana. Moasdang siya sa Europe sa mosunod nga pipila ka mga semana aron mosalmot og dugang mga kompetisyon.

Tipik kini sa preparasyon ni Obiena alang sa iyang pagrepresentar sa Pilipinas sa umaabot nga 2024 Paris Olympics.

“It’s exciting but at the same time if I’m already there I’d say good but job not done like still quite a bit of things I need to work on and accomplish,” matod ni Obiena. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph