Nakadawat og “no mark” ang numero unong pole vaulter sa Pilipinas nga si EJ Obiena sa Oslo leg sa Diamond League human siya napakyas sa iyang duha ka mga pagsuway sa men’s pole vault event sa Biyernes, Hunyo 13, 2025 (PH time), sa Norway.
Ang Filipino Olympian wala na nisuway sa first bar nga 5.40 meters ug nideretso siya sa 5.62 meters apan napakyas sa iyang tulo ka mga pagsuway.
Gipasabot ni Obiena nga usahay, dili gyud kini malikayan nga panghitabo sa usa ka atleta.
“This is sport sometimes,” post sa Obiena sa iyang Instagram story.
Ang kapakyasan ni Obiena kinsa maoy world No. 4, nahitabo pipila lang ka mga adlaw ang ninglabay human siya nakadaog og tulo ka sunodsunod nga gold medals sa Asian Athletics Championships.
Sa Oslo leg, si world no. 1 Mondo Duplantis maoy nidominar ug nirehistro og bag-ong rekord nga 6.15 meters. / ESL