Mangil-ad ang kampanya ni Filipino pole vault star EJ Obiena sa World Athletics Indoor Championships 2024 sa Glasgow, Scotland ning bag-uhay lang.
Si Obiena, kinsa maoy world No. 2 ranked pole vaulter, igo lang nahiluna sa ikasiyam sa kompetisyon nga gikombatihan og 11 ka mga partisipante.
Kaduha napakyas pag-clear si Obiena sa 5.85 meters. Nisuway siya pag-clear sa 5.90 ug napakyas gihapon.
Ang na-clear lang ni Obiena mao ang 5.65 meters.
Si world No. 1 Mondo Duplantis sa Sweden maoy naka-gold medal (6.05m), midaog og silver si Sam Kendricks sa United States (5.90m) samtang nakuha ni Emmanouil Karalis sa Greece (5.85m) ang bronze medal.
Sa wala pa kining maong kompetisyon, nagmalampuson si Obiena sa iyang kampanya sa Croatia ug Germany diin iyang gibuak ang 29 ka tuig nga Asian record dihang naka-clear siya og 5.93. / ESL