Narehistro ni Filipino pole vault star EJ Obiena ang iyang ikaduhang sunodsunod nga gold medal sa Germany human niya gipatigbabawan ang 30th International Pole Vault Meeting sa Jockgrim niadtong Miyerkules, Agusto 5, 2026 (PH time).
Si Obiena naka-clear og 5.83 meters sa labing una niyang pagsuway aron lupigon ang iyang karibal sa inilugay og bulawan nga si Seifeldin Abdelsalam sa Qatar, kinsa naka-clear sab sa samang gita-son apan nagkinahanglan kini og tulo ka mga pagsuway.
Si Ersu Sasma niangkon sa bronze medal human kini naka-clear og 5.77 meter.
Pulos ningsuway sila si Obiena, Abdelsalam, ug Şaşma sa pag-clear og 5.93 meters apan pulos sab sila napakyas.
Ang kalampusan maoy sumpay sa paghari ni Obiena sa Internationales Stabhochsprungmeeting sa Halberstadt niadtong Hulyo 31 diin naka-clear siya og 5.76 meters aron angkunon ang bulawan. / ESL