Obiena natagak sa No. 3 sa world rankings

Nidakin-as gikan sa No.2 ngadto sa No. 3 si Filipino pole vaulter EJ Obiena sa bag-ong rankings sa World Athletics nga gipagawas niadtong Agusto 13, 2024.

Ang bag-ong rankings gipagawas pipila lang ka mga adlaw human sa 2024 paris Olympics diin wala nakabaton og medalya si Obiena ug igo lang kining nahiluna sa ikaupat sa finals.

Nakuha ni Obiena ang No. 2 ranking niadtong Hulyo, 2023 human sa maayo niyang kampanya sa nagkadaiyang international events.

Nagpabilin sa No. 1 si Mondo Duplantis sa Sweden samtang ang niilog sa No. 2 mao si American Sam Kendricks.

Pulos nakasakmit og gold medal sila si Duplantis nakabaton og gold medal samtang silver ang nakuha ni Kendricks sa Paris Games.

Human sa Paris Games, nibalik dayon unta sa training si Obiena aron magpabilin siya sa No. 2.

Sa laing bahin, nalambigit si Obiena sa pagpasiugda sa Philippine International Pole Vault Challenge karong Septiyemre 20, 2024.

Ang kompetisyon gilaumang salmutan og dekalidad nga pole vaulters sa nagdaiyang mga nasod. / ESL