Obiena three-peat sa Asian Athletics

Gilabni ni EJ Obiena ang iyang ikatulo nga sunodsunod nga bulawan sa men’s pole vault sa 2025 Asian Athletics Championships didto sa Gumi, Korea kagahapon, Hunyo 1, 2025 (PH time).

Si Obiena midaug pinaagi sa jump-off batok sa Chinese athlete nga si Huang Bokai, human malabwan niya ang 5.77 meters. Parehong naka-clear og 5.72 meters ang duha, apan wala nakakuha sa 5.82, hinungdan sa tiebreaker jump-off.

Nanginahanglan og duha ka laktaw si Obiena aron maabot ang 5.72 meters, samtang si Huang mi­sugod sa ubos ug hinay-hinay misaka: 5.32, 5.52, 5.62, ug 5.67 meters, nga misangko sa pressure sa kompetisyon.

Gapikita ni Obiena nganong siya ang world No. 3 sa pole vault, ug misutoy sa kadaogan ug magpabiling pinakamaayo sa tibuok Asya.

Una niya nadaug ang titulo niadtong 2019 sa Doha, ug nasundan kini sa iyang kadaugan sa 2023 sa Bangkok ug karong 2025 sa Korea.

Dugang pa, si Obiena mao usab ang reigning Asian Games gold medalist, nga iyang nakuha niadtong 2023 sa Hangzhou, China.

Ang Thai bet nga si Pat­sapong Amsamarng nakasakmit sa bronze medal human maka-clear og 5.67 meters. / RSC