Nakaginhawa ang Gilas Pilipinas human nasuta nga di major injury ang nakuha ni Calvin Oftana atol sa duwa nila batok Iraq sa 2025 FIBA Asia Cup niadtong Sabado.
Grade 1 sprain ankle ang injury ni Oftana matod sa team doctor nga si Randy Molo, nasuta kini huma sa dugang eksaminsayon pagkahuman sa maong duwa. Ang Grade 1 sprain ankle gikonsedirar nga mild injury.
Nabalaka ang Gilas human si Oftana nagping-it sa kasakit ug nagkupot sa iyang tuo nga ankle human siya nakatunob sa tiil ni Ihab Al-Zuhairi sa Iraq nga adunay 3:19 pa nahabilin sa duwa. Dayon siyang gialalayan paingon sa bench ni Gilas team manager Alfrancis Chua ug physical therapist nga si Arcee Cua. / RSC