Bisan pa man nga gibanabana nga 2,000 ka Overseas Filipino Workers (OFWs) sa Israel ang napapauli na sukad Oktubre 2023, aduna pa'y daghan ang nagpabilin ug nagduhaduha sa pagpauli tungod sa ilang trabaho, pahibawo sa Department of Migrant Workers (DMW).
Adunay daghang Pinoy sa Israel nga nanarbaho isip mga caregiver.
“By the nature of their work, they work closely, have emotional as well as professional ties with their elderly patients or wards, and are therefore committed, dedicated to their work,” matod pa ni Migrant Workers Secretary Hans Leo Cacdac atol sa press briefing.
“This is why it’s not so easy for them to let go, to come home, because it’s pretty much part of their responsibility to take care of their patients, of their wards—especially the elderly,” dugang pa niya.
Base sa datos, nagpakita nga adunay gibanabana nga 30,700 ka mga Pilipino ang legal nga nagpuyo ug nagtrabaho sa Israel, diin 80 porsyento niini nagtrabaho isip mga caregiver.
Giila usab ni Cacdac nga ang pinansyal nga panginahanglan sa ilang mga pamilya sa Pilipinas nakatampo sa ilang desisyon nga magpabilin.
“With regards to the salary or financial gain out of working in Israel, yes, that is a factor too,” sigun pa niya.
Aron madasig ang boluntaryong pagpauli, ang DMW nagtanyag og nagkadaiyang matang sa tabang, apil na ang pinansyal nga aspeto.
“These are safety nets to help stem the tide for our OFWs who lost their jobs or temporarily lost their jobs,” said Cacdac.
Ang matag OFW nga mapauli makadawat og P75,000 gikan sa DMW ug laing P75,000 gikan sa Overseas Workers Welfare Administration (OWWA).
Ang dugang nga tabang naglakip sa skills training vouchers gikan sa Technical Education and Skills Development Authority (Tesda), mga oportunidad sa negosyo gikan sa Department of Trade and Industry, ug medikal nga tabang gikan sa Department of Health. / Anton Banal / SunStar Philippines