Gikan sa sinugdanan hangtod katapusan, nagdahunog ang dugdog sa host Oklahoma City Thunder sa bangis nilang panimalos batok Denver Nuggets, 149-106, sa Huwebes, Mayo 8, 2025 (PH time), sa Game 2 nga maoy nakatabla sa ilang Western Conference 2nd round playoffs series sa National Basketball Association (NBA).
Ning sangkaa, nakakulit og rekord ang Thunder dihang nakamugna sila og taga liog nga labaw, 87-56, nga labaw sa half time.
Ang 87 puntos nga nahimo sa Thunder maoy labing dako nga narehistro sa halftime sa kasaysayan sa NBA playoffs.
Nabuak niini ang 86 puntos nga narehistro sa Cleveland Cavaliers sa halftime batok sa Golden State Warriors sa Game 4 sa NBA Finals niadtong Hunyo 9, 2017.
Apil ang regular season, nakatabla ang Thunder sa labing dakong puntos nga namugna sa halftime nga unang nahimo sa Denver Nuggets niadtong Abril 23, 1978.
Puntos matag usa:
Oklahoma (149)- Gilgeous-Alexander 34, Williams 17, Holmgren 15, Hartenstein 14, Joe 14, Dort 12, Wiggins 10, Micthell 10, Wallace 8, Jones 4, Williams 4, J. Williams 3, Dieng 2, Caruso 2.
Denver (106)- Westbrook 19, Jokic 17, Murray 14, Gordon 10, Watson 9, Strawther 9, Tyson 8, Porter Jr. 8, Nnaji 4, Pickett 3, Braun 3, Jordan 2. / Gikan sa wires