Gipasakaan og kaso ang Olympic track medalist nga si Fred Kerley kay kuno nanukmag kini og babaeng atleta.
Ang taho sa Broward Country Sheriff Office misaysay nga ang 29-anyos nga si Kerley misukmag kuno ni Alaysha Johnshon gamit ang closed fist sa usa ka hotel duol sa Fort Lauderdale.
Ang kaso nag gipasaka kang Kerley mao ang misdemeanor battery kay nagkadugo man ang ilong ni Johnson tungod sa sukmag.
Si Kerley midaog og silver medal sa 100-meter race sa 2020 Olympics didto sa Tokyo ug bronze medal sa susamang event sa Paris Olympics sa 2024.
Matod pa nga si Kerley ug Johnson adunay relasyon ug nagkaaway sa Florida Hotel diin sila nagpuyo alang sa usa ka track meet.
Ang abogado ni Kerley nga si Richard Cooper mihangyo nga di husgahan ang iyang kliyente sa mga alegasyon.
“We ask the public not to rush to judgment as the exculpatory facts eventually come to light," sigon ni Cooper. “Fred looks forward to getting back to competing and away from distractions as his legal team works to resolve these accusations.” / RSC