O&M assessment gipahigayon sa 6 ka Lungsod sa Bohol, Cebu
Ang mga opisyal ug miyembro sa komunidad gikan sa unom ka lungsod sa Bohol ug Cebu nisalmot sa Operations and Maintenance Assessment gikan Abril 29 hangtod Mayo 6, 2025.
Ang kalihukan nagtumong sa pag-ila sa mga kalampusan, mga hagit, ug mga dapit alang sa kalambuan sa pagpadayon sa Kapit-Bisig Laban sa Kahirapan – Comprehensive and Integrated Delivery of Social Services (Kalahi-CIDSS) subprojects (SPs) nga kaniadto gi-rate nga fair o poor sa paggamit, organisasyon, institutional linkages, pagdumala sa pinansyal, ug pisikal nga kahimtang.
Sa kinatibuk-an, 16 ka mga kawani sa Department of Social Welfare and Development Field Office VII (DSWD) 7, pinaagi sa Kalahi-CIDSS Regional Program Management Office ug gipangulohan sa iyang Social Development Unit, nipahigayon og operations and maintenance (O&M) assessment sa nahuman nga income-generating subprojects (IGPs) gamit ang focus group discussions, key informant interviews, ug enhanced surveys.
Ang Regional Program Management Office (RPMO) Engineering team nagpahigayon sab og aktuwal nga spot check ug nibisita sa nahuman nga subprojects.
Ang mga partisipante naglakip sa mga miyembro sa Multi-Stakeholder Inspectorate Team, mga opisyal sa barangay, ug mga miyembro sa O&M groups gikan sa Loon, Dimiao, Loboc, Catigbian, ug Antequera sa Bohol, ug Badian sa Cebu.
Sa programang Kalahi-CIDSS, ang mga grupo sa O&M adunay kritikal nga papel sa pagsiguro sa pagpadayon sa mga IGP nga gitugyan sa mga komunidad. Gitahasan sila sa pagsiguro sa padayon nga pag-andar, pagkaayo, ug paghatag benepisyo sa kini nga mga proyekto.
Ang ubang mga SP nga gi-rate nga fair o poor ani nga mga lungsod naglangkob sa mga sistema sa tubig, uban ang Antequera nga adunay pasilidad usab pagkahuman sa pag-ani.
Apil sa mga gieksaminang Income-Generating Projects (IGP) mao ang water reservoir sa Purok 1 sa Barangay Quinapon-an nga ginadumala ug gi-maintain sa Quinapon-an Water System Association, ang multipurpose pavement sa Barangay Tagubaas nga ginadumala sa Rural Improvement Club, ang rehabilitasyon sa Level III water system nga ginatiman sa Haguilanan Water System Association, ug ang pagpaayo ug pag-ayo sa water system sa Barangay Cantangon nga ginadumala ug gi-maintain sa Cantangon Farmers Association.
Ang mga respondent ni-raise og pipila ka mga kabalaka lakip ang kakuwang sa dedikado nga kawani alang sa pag-monitor sa subproject sustainability, kakuwang sa barangay-level nga pundo para sa kritikal nga pag-ayo, nasayop nga mga dokumento sa proyekto, ang paghunong sa sustainability evaluation, ang panginahanglan alang sa pagtukod pag-usab sa Multi-Stakeholder Inspectorate Team alang niini nga mga proyekto, ug sayop nga pagsabot bahin sa O&M accreditation.
Ang ubang mga miyembro naghunahuna nga human marehistro ang asosasyon, ang gobiyerno sa munisipyo ang modumala sa subproyekto. Kining wala pagsinabtanay daling natubag sa mga kawani sa RPMO.
Samtang si Engr. Rolando Maravilla, Jr., niingon atol sa inspeksyon nga ilang naobserbahan nga ang subprojects nagpabiling functional ug ang komunidad nakakita sa core issue.
“There’s a clear understanding and recognition of the problem—the inadequacy of the water source during the dry season,” matod niya nga ang pag-ila sa maong problema usa ka mahinungdanon nga unang lakang padulong sa pagpangita og malungtarong solusyon.
Lakip sa gituki nga solusyon mao ang pagpatuman sa rainwater harvesting system ilabi na sa mga lugar nga adunay lahi nga ting-ulan ug ting-init.
Ang mga resulta nga gipresentar atol sa feedback session i-package ug i-relay sa RPMO ngadto sa mga hingtungdan nga municipal ug barangay local government units ug sa O&M groups alang sa aksyon.
Si Lou Marie B. Jumamil, ang Municipal Social Worker sa Antequera, Bohol, nag-abiabi sa assessment results ug nagpadayag og pagkamalaumon sa pagtubag niini nga mga isyu o kabalaka.
“We want to make the most of this activity and ensure that what we are doing now will not go to waste. That is why we are waiting for the packaged results,” matod ni Jumamil.
“The platform to present these findings will be through the ELA (Executive Legislative Agenda) meeting and the Local Project Monitoring Committees (LPMC) meeting, so the barangays will know that you truly gave us feedback.” dugang niya. / PR