Usa ka bag-ong panagbangi sa balaod ang mitumaw tali ni outgoing Governor Gwendolyn Garcia ug sa Ombudsman dihang gipagawas ang show cause order tungod sa pagsupak sa unom ka buwan nga preventive suspension.
Giangkon sa abugado ni Garcia niadtong Mayo 22, 2025, nga ang usa ka temporary restraining order (TRO) gikan sa Court of Appeals makapugong nga mapasakaan og indirect contempt sa Ombudsman ang iyang kliyente.
Si Ombudsman Samuel Martires nagpagawas og show-cause order, nga gipetsahan og Mayo 19 ug giisyu niadtong Mayo 22, nga nagmando kang Garcia nga motubag sud sa lima ka adlaw kon nganong dili siya angay nga mapasakaan og indirect contempt.
Nagpagawas usab si Martires og show-cause order batok sa Department of Interior and Local Government (DILG)tungod sa wa pagsunod sa mando sa suspension batok kang Garcia.
Kini nga kamanduan subay sa padayon nga paglingkod ni Garcia sa iyang opisina bisan pa sa unom ka bulan nga preventive suspension nga giisyu niadtong Abril 23.
Si Atty. Alex Avisado, abogado ni Garcia, nipasabot nga ang TRO nga giisyu niadtong Mayo 15, 2025, sa Special Seventeenth Division sa Court of Appeals nakapugong na sa pagpatuman sa suspension sa Ombudsman.
“With the issuance of this TRO… there is therefore no legal basis to cite Gov. Garcia for Indirect Contempt. Like any ordinary citizen, she merely availed of her legal remedies.” matod ni Avisado. / dugang taho gikan ni TPM