Naangkon ni John Rey Onifa ang titulo sa 100-Kilometer male category sa Danao City International Ultra Trail (DCIUT) nga gisugdan niadtong Marso 22 ug nahuman sa Marso 23, 2025, sa Danao City, Cebu.
Nisakmit sa ikaduhang luna mao si Bulod Eldy samtang nilabni sa ikatulong puwesto mao si Andy Toniacao.
Sa 100-K female category, si Shally Yuson maoy nipatigbabaw ug nagsunod kaniya sila si Agustoralin Sabanal sa ikaduhang luna ug Maria Josephine Liao sa ikatulong puwetso.
Sa 50-K male division, si Jayson Zonio maoy naghari ug nagsunod kaniya sila si Jomarc Ferrer sa ikaduha ug Aivon Matunding sa ikatulo.
Sa 50-K female division, nikamÂpyon si Erlicete Paragoso, naa sa ikaduha si Roxann Optina ug ikatulo si Mary Anne Abellana.
Gawas sa 100-K ug 50-K, ang lumba aduna sab 35-K ug 15-K categories.
Ang lumba, nga gisugdan sa niaging tuig, nakadawat og pagdayeg sa trail running circuit. / JJM