Malampuson ang operasyon sa wa nga tuhod ni Philadelphia 76ers forward Paul George nga gipahigayon ning Martes, Hulyo 15, 2025 (PH time).
Nagkanayon ang 76ers nga sugdan dayon ni George ang iyang rehabilation program ug susihon ang iyang kondisyon sa dili pa magsugod ang training camp alang sa umaabot nga season sa National Basketball Association (NBA).
Ang premirong season sa 9-time All-star isip sakop sa 76ers wala nahisubay base sa nakaplano human niya nasinati ang angol niadtong Marso, 2025, nga maoy nagtiklop og sayo sa iyang 2024-25 season. / Gikan sa wires