DIHAY usa ka tawo nga nadakin-as ngadto sa usa ka lawom kaayo nga pangpang. Apan nakakapyot pa siya sa gamot sa usa ka dakong kahoy. Nihangad siya sa langit ug niampo, “Ginoo, luwasa intawon ako.” Taud-taod iyang nadungog ang dakong tingog nga nag-ingon, “Kon tinuod kang nituo kanako, pamuhi nianang gamot sa kahoy nga imong gikapyotan.” Nihangad og balik ang tawo ug niingon, “Way laing Ginoo diha?”
Sumala pa sa Pew Research Center, 26 porsento sa mga nasod sa tibuok kalibotan adunay mga balaod ug lagda batok sa blasphemy, ang dili pagtahod ug pag-insulto sa mga sagrado nga personahe, mga relihiyusong pundok, mga butang nga balaan, kustombre ug tinuohan.
Sa mga nasud nga nagsubay sa Islamic law, sama sa Saudi Arabia, Pakistan ug Afghanistan, ang silot sa blasphemy moabot sa pagkabilanggo sa tibuok kinabuhi ug silot sa kamatayon. Sa ubang mga nasud, usa lang kini ka administrative offense ug ang nakahimo niini multahan lang.
Hingpit nga nawagtang ang mga balaod batok sa blasphemy didto sa Estados Unidos sa pagpasar sa First Amendment sa US Constitution nga nagkanayon, “Congress shall make no law respecting an establishment of religion, or prohibiting the free exercise thereof; or abridging the freedom of speech, or of the press; or the right of the people peaceably to assemble, and to petition the Government for a redress of grievances.”
Way krimen nga blasphemy dinhi sa Pilipinas. Apan gisilotan ubos sa Art. 132, Revised Penal Code, kadtong mga opisyales ug kawani sa gobyerno nga mopahumong o modisturbo sa usa ka religious ceremony. Gisilotan usab sa Art. 133 kadtong makahimog butang nga makapasakit sa pagbati sa mga matinuohon atol sa usa ka rehiliyusong seremonyas sud sa alampuanan.
Ato kining gihisgotan tungod sa kabanha nga nisibaw sa pakigpulong ni Presidente Rodrigo Duterte didto sa Davao City niadtong miaging Biyernes nga naghingan sa Ginoo nga estupido sa iyang pagkuwestiyon sa pagtup sa Ginoo ug a konsepto sa orihinal nga sala kon sala nga panulundon.
Matod pa sa Presidente, “Who is this stupid God? You created something perfect and then you think of an event that would destroy the quality of your work. How can you rationalize that God? How can you believe him? So now we’re all born with an original sin. Even in the womb, we already have sinned. What kind of religion is that?”
Usa ka pari niingon nga kini blasphemy. Apan si Presidential Spokesperson Harry Roque nga mao lang kadto ang personal nga pagtuo sa Presidente. “That’s his personal belief. Individuals are entitled to their personal beliefs. That’s the nature of freedom of religion,” matod pa niya. - edbarrita@gmail.com