Binghay: Insecure ka ba?

Kasagaran nato dali rang makapanay o makabuhi og di maayong mga pulong ngadto sa uban labi na kung kini sukwahi sa kaugalingong pagtuo o binuhatan. Apan kini ra ba hinuong hinawayon mas labaw pang sawayunon. Tinuod?

Unsaon man pag-ila kung ikaw insecure (way kumpiyansa) o confident (taas ang nga pagsalig sa kaugalingon)?

Ang tawo nga confident gitawag og Open Minded Persons samtang ang mga insecured gitawag og Close Minded Persons.

Ikaw? Nakapanamin ug nakapangutanan ka na ba sa imong kaugalingon kung confident o insecure ka ba?

Diay kalainan sa duha nga akong nabasahan og ako sang itampo:

Ang tawo nga taas og kompiyansa sa kaugalingon di dalo sa pagdayeg. Kung sa iyang tan-aw insakto, tinuod og angayan nga daygon ang maayong binuhatan o kina-iya, di kini magduha-duha og hatag og komplimento.

Ang insecure, di gyod modayeg ni bisan kinsa kay para niya kahibalo siya sa tanan bisag nagka bikos-bikos na unya magsegi ra kini og panaway sa uban imbis motabang.

Ang tawo nga taas og kompiyansa sa kaugalingon di sab magpaka-aron ingnon. Andam kining modawat sa mga suhistiyon og tabang gikan sa uban. Unya kung makasala o masayop, di kini magmakuli sa pagdawat sa kalapasan o sayop nga nabuhat.

Samtang ang insecure buhaton ang tanan para lang maka rason ug maka-ikyas sa sayop nga binuhatan. Kusog sab kining mamasa sa iyang mga kasaypanan ug kabilinggan ngadto sa uban unya kusog pa gayod kining mamasangil ug mamasol.

Ang tawo nga confident positibo ang panglantaw ug panghuna-huna unya andam kining mo risgo kung kinahanglan.

Ang insecure mahadlukon mo suway og mga bag-ong paagi unya kanunay kining maghuna-huna og negatibo sama sa kapildihan ug kahadlok. Di kini mohawa sa iyang komportabli nga kasamtangang nahimutangan.

Ang mga insecure kusog mang stismis, libak, og mangimbinto og estoryang way klarong tinubdan. Conscious sab ni sila kaayo kung unsay ika-sulti sa uban mahitungod nila.

Sukwahi sa mga secured kay di manumbaling bisag gitamay og saway.

Related Stories

No stories found.
SunStar Publishing Inc.
www.sunstar.com.ph