Editoryal: Pagyukbo sa mga bayani

Editorial Cartoon by John Gilbert Manantan
Editorial Cartoon by John Gilbert Manantan

Ang tibuok Pilipinas nag-obserbar sa Araw ng mga Bayani’ o Adlaw sa mga Bayani hinungdan nga way trabaho ug klase karon, Agusto 28, 2023.

Takos ang paghinumdom ug pagyukbo sa atong katiguwangan nga nakigbisog nga makalingkawas gikan sa langyaw nga pagpanakop ug mahimong independenteng nasod.

Kini nga kasaulogan gibase sa ‘Cry of Pugad Lawin’ niadtong Agusto 1896, timaan sa unang lakang sa insureskiyon o pag-alsa batok sa mga kolonyalistang Espanyol sa grupo nga gitawag og Katipunan, sekretong rebolusyonaryong kalihukan.

Niadtong 1995, sumala sa libro sa kasaysayan, usa ka tuig sa wala pa ang ika-100 nga anibersaryo sa pag-alsa batok sa Espanyol, usa ka komitiba gitukod sa paglatid sa Nasudnong Bayani uban sa ilang natampo sa pakigbisog.

Nalista mao ang mosunod: Jose Rizal, Andres Bonifacio, Emilio Aguinaldo, Apolinario Mabini, Marcelo H. del Pilar, Sultan Dipatuan Kudarat, Juan Luna, Melchora Aquino, ug Gabriela Silang.

Sila si Rizal ug Bonifacio mao ang giilang nag-unang lider sa rebolusyon. Apan gipasabot sa komitiba nga daghan pang uban nga bayani nga wala maila. Nangamatay tungod sa pakigbisog.

Ang National Heroes Day usa sa labing unang public holidays sa Pilipinas. Nagugod sa panahon sa pagsakop sa Amerika sa nasod. Nahimong balaud pinaagi sa Act No. 3827 sa October, 28, 1931.

Panahon sa admiminisrayon ni anhing Presidente Corazon C. Aquino, ang Executive Order No. 292 naghimo sa naasoy nga holiday matag katapusang Dominggo sa Agusto.

Niadtong 2007, si Presidente Gloria Macapagal-Arroyo nilagda sa Republic Act No. 9492, nga nag-irog sa naasoy nga national holiday sa katapusang Lunes sa Agusto, subay sa iyang “holiday economics” program.

Naghinumdom kita sa kagahapon isip nasod, dili nato hikalimtan ang pagkutlo og leksiyon, ang ilang mga mithi ug kawsa nga atong magamit nga hinagiban isip mga bayani usab sa kasamtangang henerasyon - pagharong sa laing porma ug ang-ang sa hagit sa bag-ong panahon.

Sumala ni Rizal, “Ang Hindi aarunong lumingon sa pinanggalingan, ay hindi makakarating sa paroroonan.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph