ANG estorya karon bisan asa ka moadto ang 2019 novel coronavirus (2019 n-CoV) maoy ilang sentro nga nakapatay nag dul-an sa 400 ka mga tawo.
Kadtong mga nag-panic atong sabton kay di lalim kon matakdan ka sa coronavirus kay corona sa patay ug buwak ang magpalibot sa mahimong biktima.
Pero angayang hinunduman nga ang maong sakit dunay kaayuhan basta sundugon lang ang tambag sa Department of Health ( DOH ) ug World Health Organization (WHO) nga limpyo kanunay ug himsog.
Maayo nang atong klaruhon wa pay nangamatay bisan usa ka Pinoy sa coronavirus.
Mao ni Good News!
Pero kon gasigi mo’g panic ug kabalaka mosaka na unya hinoon inyong blood pressure nga maoy makaingon nga ma-ospital.
Grabiha aning maong matang sa sakit nga tanang nangamatay mga Insek.
Sa akong yano nga pagkuwenta nga gikahadlukan sa mga Insek sa usa ka semana tag usa ka gatus ang mangamatay.
Looy sab baya ang mga Insek. Mao nga di lang nato sila bugalbugalan. Mahimong likayan lang una ug di nalang pakapinan ug sakit nga estorya. Di man sab gud lalim ang dakong problema nga mihapak sa China. Naay coronavirus, birds flu, African swine fever (ASF) ug daghan pa.
Kini gud hinoon ang China daghan ug nahimong sala ang ilang mga lider ug biktima lang ang katawhan. Gawas nga dili motuo og Diyos kay komunista, naa tanang klase sa ilegal. Nagbaha ang tanang peke nga butang, tambal ug pagkaon.
Programa ni Davide
Daghang mipakpak bisan pa man sa kahagip-ot sa panahon, si Bise Gob. Hilario Davide III nakapatuman og mga programa
Basi sa report nga akong nadawat naghimo og mga outreach program pinaagi sa pag-abag sa non-governmental organization ug pribadong individual.
Daghan man sab gud ang nakadayeg sa kabuotan ni Davide, pagkamatinabangon ug manggiloy-on nga klase sa pulitiko.
Samtang daghan ang nakadayeg ni Gobernador Gwen Garcia sa padayong pag-ban sa pork tungod sa ASF aron dili makatakod sa kahayupan sa Sugbo. (efrenlonzon@gmail.com / 09235562777)