Karon pa lang daghan nako og nabasahan nga mga Istorya labot natong mga amahan nga usahay gitikon ka. Makalingaw. Makapahimuot. Dunay sagol komedya pero ang uban tinuod ra ba. Sama sa komedya nga ang bana gisugo pagpanglaba. Di ni bag-o. Natural ra ni labi na kung ang mga asawa maoy nanginabuhi.
Daghang sugilanon nga mahimo kang magkatawa pero ari ta sa panlimbasog sa ubang amahan aron lang masuportahan ang panginahanglan sa ilang panilya.
Pagsugod sa lockdown, usa si Rolando Arnejo, 50, ang nakulban sa kaldero. Ang PUJ nga iyang gimaneho gigrahe sama da ubang dyip gituboan og muti muti.
Napulo ka buok ang iyang anak nga dili pa dugay nga nailo sa inahan. Apan luyo ning tanan. naningkanot siya sa pagbangon. Gipadayon niya ang karaan niyang abilidad sukad pa sa iyang pagka batan-on didto sa ilaha sa Borbon. Kini mao ang pagpamuhi og baboy.
Hilabihang baratoha sa kilo sa baboy panahon sa lockdown pero wala siya maluya. Pun-an pa sa kanihit sa ipalit ug ang palitonon nga lawog. Sa naglakat ang mga bulan nibawos ang mga namuhi og baboy tungod sa grabing pagsaka sa presyo sa matag kilo sa baboy. Gani hangtod karon, gawas sa kanihit, mahal lang gihapon.
Naila ila nako si Rolando kay usa ka higayon niana, nakit-an nako siya nga naglakaw sa ysa ka bahin sa Varabgay Cogon Patdo nga gisunod sunod og baktin. Sa akong kahibulong, nalanit nako akong cellphone og gisugdan nakog kuha ang video si Rolando. Sa dihang nagka estoryahanay iyang giadoy nako ang nahitabo sa maong baktin. Nagpangedaron na ni og duha ka bulan. Sa dihang gipanganak kauban sa laing mga baktin, nagkasakit.
Munamuna sa ginhawa niyang pagayon way suwerte nanfamatay ang uban. Kini nga baktin uyang nadalbar pinaagi sa pagpainom og gatas. Og sa dihang hingpit na nga naulian iyang nadiskuvrehan nga hilabihang anara sa baktin ug grave ka pataygon. Way kalainan sa binuhing iro nga gasigi og baiid.
Ang iyang mga silingan ug ang mga tawo mismo sa barangay nga naka kita sa ka anad ug kaparaygon sa baktin dili makatoo. Baboy nga daw may kabuot nga mosunod sunod sa iyang amo nga dili hiniktan? Pinaagi sa akong cameraman nga si Boy Marquez, nakahigayon ko og bisita ni Labdo ug sa iyang baktin nga iyang gihinganlan og Landix.
Human sa interview, gi-edit og gi-upload sa akong you tube channel nga Junrey Nadela Password TV. Giulohan nako ni og ‘Da Pig es Wanderpol.’ Mao to ang unang episode. Karong bag-o na upload na sab ang ikaduhang episode human nga ang OIC Cebu City Veterenarian Dr. Jessica Maribojoc nibisita sa pabimalay ni
Lando aron masusi ang iyang pinanggang baktin.
Gisukna ni Dr. Maribojoc kong buhion o baligya ang baktin. Tungod kay gusto niya nga himoong binuhi kun pet si Landix niingon ang city veterenarian nga mahimo kini i-adopt sa ciry ug suplayan og bitamina apul na ang bakuna ug kapon. May mga pagkaon pa nga mahimong itunol pinaagi sa ilang partners.