Ang Cebu City Council mipasar og resolution sa Hunyo 9, 2021 nga nagdeklarar sa Hunyo 7 kada tuig nga adlaw sa paghinumdum sa barangay frontliners nga nitaliwan tungod sa Covid.
Ang Konseho mipasar og laing resolusyon nga nagpadangat sa ilang pasalamat ngadto sa mga punong barangays, barangay officials, workers ug volunteers alang sa ilang pagpadangat og serbisyo sa mga Sugboanon atol sa Covid-19 pandemic.
Ang duha ka resolusyon giduso ni Councilor Franklin Ong, chairman sa Association of Barangay Councils, ubos sa usa ka privilege speech nga iyang gipamulong atol sa Cebu City Council session sa Hunyo 9, 2021.
Tipik sa iyang privilege speech:
Last Monday, June 7, marked the first death anniversary sa atong kauban sa buhat ug kanhi kapitan sa Poblacion Pardo nga si Manolita Abarquez, o mas naila natong tanan isip Kap Litang.
Dili gayud ko malimot, June 5 sa buntag sa milabay nga tuig, nakadawat ko og tawag gikan sa usa sa akong mga staff ug gipahibawo ko kalabot sa kondisyon ni Kap Litang.
Nakasinati siya og grabe nga ubo, kaluya, ug way gana sa kaon. Nagbalhin-balhin san siya og ospital kay niadtong panahona taas ang ihap sa kaso sa Covid-19 ug kadaghanan sa mga tambalanan puno na.
I did everything that I could to assist Kap Litang until I was able to refer her to ARC Hospital in Lapu-Lapu City. By noon time sa June 5, they were already accommodated and I instructed my staff to closely monitor Kap Litang’s condition.
June 6, 2020, gipahibawo ko nga ni-improve na ang kondisyon ni Kap Litang. Apan gabii sa susamang adlaw, nanawag ang anak ni Kap Litang nga si Apple Abarquez aron ipahibawo nga kinahanglan nang isulod sa intensive care unit si Kap. Tungod kay overwhelmed sa mga pasyente, naglisud mi og pangita og ospital nga adunay available nga ICU.
Morning of June 7, 2020, Apple called again asking for an update but around 10:30 a.m., I was informed that Kap Litang was already fighting for her life. Ug alas 11 sa buntag, naabot ang akong gikahadlukang balita: Wala na si Kap.
According to her death certificate, Kap Litang died from pneumonia. But she tested positive for coronavirus disease. What made it worse was that few hours after Kap Litang died, her partner Ma’am Neneng also died and she too tested positive for Covid-19.
Sakit palandungon ang nahitabo ni Kap Litang, tungod kay dako ang nawala dili lang sa Barangay Poblacion Pardo lakip na sab sa tibuok Dakbayan sa Sugbo.
Dili masukod ang gugma ni Kap Litang alang sa atong mga kaigsuonan sa Poblacio Pardo. Nakahinumdom ko niadtong pagsugod sa enhanced community quarantine, grabe ang iyang pagserbisyo sa katawhan. Anaa gayud siya sa frontline.
Bisan paman nagsugod na og kalain ang iyang pamati sa lawas, wala siya mohunong sa pagserbisyo. Wala gayud siya niundang sa pagtabang hangtod naabot gayud sa punto nga di na kaya sa iyang lawas.
Suod gayud mi ni Kap Litang, bisag unsay okasyon pirmi gayud ko niyang imbitaron. Dili gayud nako malimtan ang kalami sa iyang luto nga balbacua. Matag bisita nako sa ilang barangay, iyad gayud kong pakan-on. Iya pa gayud ipalahi para nako ang best part nga dapit sa may ikog.
Wala pa ang pandemiya, kanunay mi magkuyog sa tanang mga kalihukan sa Liga ng mga Barangay. Primi gayud siya na naa sa akong tupad. Ingon ana mi kasuod. Mao nga sakit para nako ang pagtaliwan ni Kap Litang.
JUNE 7, 2020, Barangay Poblacion lost a mother.
JUNE 7, 2020, Liga ng mga Barangay Cebu City lost a very active director.
JUNE 7, 2020, Cebu City lost a great leader.
JUNE 7, 2020, I lost a dear friend.
Mr. Chairman, my colleagues, and everyone watching on Facebook Live, together with the LNB BOD who are present this afternoon, I would like to request you to join me in offering a one-minute of silence and say a prayer for Kap Litang, Ma’am Neneng, ug sa tanang mga kauban nato sa buhat nga nipanaw sa pakigbisog batok sa Covid-19.