Dear Noy Kulas,
Maayong adlaw kanimo. Tagoa lang ko sa ngan nga Arnold, 38 years old, taga Cebu.
Minyo ko but nagbuwag na mi sa akong asawa mga five years na ang nakalabay.
Pareho sa ubang mga asawa, siya ang nibiya nako kay nagkabalik sila sa iyang high school boyfriend.
Di man ko gusto og gubot, wa nako siya pugngi pagbiya nako human nako sila masakpi nga nagkabalik sila.
Mga one year kapin na gani diay sila ug nakabantay na ko ani kay nagkauga ang iyang tinagdan ug among sex life.
Karon nakakita na ko og lain nga babaye.
Manghod nako siya og 4 years, young executive so dunay kaya.
Ready siya mogasto sa annulment namo. So, akong gisultihan ang akong ex-wife.
Nasuko man hinuon kay ngano kuno nga mangita pa ko og lain nga asawa?
Noy Kulas, unsa may akong buhaton nga supak man siya?
Makapugong ba siya if magpa annulled ko? Daghang salamat.
ARNOLD
Nold,
Ang annulment sa kasal di na sinabutan baya.
Naay ubang magtiayong nagsabot apan duna say uban nga usa ka party supak.
Apan ang annulment di sinabutan baya kay ang usa ka party maoy dunay pagkuwang sa paghimo sa hingpit sa mga kaakuhan ug responsibilidad sulod sa kaminyuon.
Maka file ka og annulment bisan supak ang imong asawa, labina kay wa na siya sa inyong balay ug wa na nagpakabana nimo.
But mao lagi na, mahal ug kuti pa kaayo ang proseso hinungdan nga giduso ang balaudnon sa divorce.
Kon tan-aw nimo nga wa na gyuy kahigayunan magkauli mo, idayon ang pag file.
NOY KULAS
rojval69@yahoo.com