Ordinansa alang sa tangke sa tubig gipasar

Ordinansa alang sa tangke sa tubig gipasar
File photo

Subay sa mga lakang niini aron mamenusan ang kanunay nga problema sa baha sa dakbayan, ang Konseho sa Dakbayan sa Mandaue nipasar og ordinansa nga nag-require sa mga balay, komersyal ug industriyal nga mga establisemento, ug mga land development nga butangan og mga pasilidad sa pagdumala sa stormwater sama sa mga tangke sa tubig-ulan, mga reservoir, ug mga atabay aron makatigom og tubig sa ulan.

Ang direktiba nga gitawag og “Stormwater Management Ordinance” napasar sa ikatulo ug katapusang pagbasa niini niadtong Nobiyembre.

Si City Councilor Jesus P. Arcilla, chairman sa commitee on planning and development, niingon nga ang inisyatiba nagtumong sa pagkontrolar ug pagpamenos sa paspas nga pag-agas sa tubig sa ulan ug gidaghanon ug pagpakunhod sa kahigayunan sa pagbanlas sa yuta ug pagbanlas sa kilid sa kasapaan.

Gipasabot niya nga kon ang mga establisemento mag-ani og tubig sa ulan ug i-recycle kini aron magamit, sama sa pag-flush sa mga kasilyas, pagbisbis sa mga tanom, ug paglimpyo, ug uban pa.

ISTRUKTURA

Ang balaod alang sa tanang balay, edipisyo, subdivision, land development, ug government offices ug projects nga nagkantidad og kapin sa P250,000, bisan kadtong natukod sa wala pa maaprobahi ang ordinansa, ug adunay tulo ka tuig nga lugway sa pagtukod og water conservation structures nga nagsunod sa gihatag nga standard.

Ang ordinansa nagmando sa pag-establisar og tangke sa tubig-ulan nga adunay 400-litro nga kapasidad sa matag 30 metro kuwadrado nga luna alang sa gagmay nga mga balay ug ubang residential buildings.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph