Nisang-at og reklamo si mayoral candidate Jonkie Ouano sa Commission on Elections (Comelec) batok sa iyang karibal nga si kanhi Mayor Jonas Cortes tungod sa giingong kalapasan sa adlaw sa eleksyon.
Matod sa kampo sa mga Ouano nga ang mga watcher ni Cortes nakit-an nga nagsul-ob og ID nga dunay hulagway, ngalan ug ballot number niini nga klarong electioneering ug kalapasan sa mga lagda sa Comelec.
Agi og tubag, si Atty. Jamaal James Calipayan, nga nagrepresentar sa kampo ni Cortes nisalikway sa pasangil ug nitataw nga way balaod nga magpugong sa mga watcher pagsul-ob og ID.
“There is no violation. No law prohibits specific identification of the legal representation of the candidate during elections. This ID format assailed by the opponent is being used by other parties and candidates such as Ako Bisaya and the Liberal Party. It merely indicates who the watcher represents, and it contains no message urging voters to choose a particular candidate,” matod ni Calipayan.
Nidugang si Calipayan nga mismo ang mga watcher sa kaatbang dunay ID nga nakaimprinta ang ngalan sa ilang kandidato ug dunay logo nga “Ouanocare,” ug nagsul-ob pag-t-shirts nagdala sa maong branding.
“Is this not the very definition of campaigning?” matod niya.
Apan si Comelec Regional Director Francisco Pobe dunay lahi nga panglantaw ug nitataw nga ang ID kinahanglan nga magdala sa partido ug di sa ngalan sa kandidato.
“Ang inyong girepresentahan ang partido, one-sense sa partido, dili sa kandidato. If an ID bears the candidate’s name, that already constitutes campaign material propaganda,”matod ni Pobe.
Gipasabot ni Pobe nga ang lagda sa Comelec nagdili sa mga ID sa watcher nga magdala sa ngalan sa kandidato kay makaimpluwensiya kini sa mga botante ug makonsiderar og pangampanya.
“That might be a ground for us to file a violation of election campaigning rules,” he warned. “Watcher IDs must serve solely for identification purposes and not carry any trace of campaign messaging,” dugang niya. / AYB / CAV