Ang Overseas Workers Welfare Administration (OWWA) nagtaho nga walay mga trabahante sa gawas sa nasod ang naangol human sa kusog nga linog sa Japan, dunay pipila nga gipabakwit nga namalik sa ilang mga panimalay.
Kaniadtong Lunes, Enero 1, 2024 usa ka linog nga adunay preliminary magnitude nga 7.6 ang miigo sa rehiyon sa Noto sa Ishikawa Prefecture sa Central Japan sa mga alas 4:10 sa hapon.
Sumala sa usa ka lokal nga kompaniya sa kuryente nga hapit 45,700 ka mga panimalay sa sentro sa Ishikawa prefecture sa Japan way kuryente.
Ang NHK, ang Japanese broadcasting corporation, nitaho nga ang linog nagbilin og unom ka mga tawo nga namatay sa Ishikawa, ug mga dosena ang nasamdan sa upat pa ka mga prefecture, lakip ang Toyama ug Niigata.
Sa mga hapon sa Martes, Enero 2, gitaho sa mga media outlet nga labing menos 30 ka mga tawo ang nangamatay human ang kusog nga linog miigo sa baybayon sa sentral nga Japan.
Gipasidan-an ni Punong Ministro Fumio Kishida ang publiko nga adunay pasidaan nga ang kadaot kay “kaylap” ug lagmit nga motaas ang gidaghanon sa nangamatay.
Si Jeffrey Signo, usa ka Overseas Workers Welfare Officer 3, nitug-an sa SunStar Cebu nga human sa pagkontak sa welfare officer sa Japan, sila niingon nga walay report nga naangol o nadisgrasya sa mga OFWs, diin ang uban namalik sa ilang mga balay human magpabilin sa mga lokal nga evacuation center. / HDT sa SunStar Philippines