P10.2M balor sa druga, nasakmit

BUY-BUST: Usa ka regional level nga high value individual (HVI) ang nasikop atol sa buy-bust sa mga sakop sa Regional Police Drug Enforcement Unit (RPDEU 7), alas 7:45 sa gabii, Martes sa gabii, Abril 9, 2024, sa Sitio Upper, Barangay Bacayan, dakbayan sa Sugbo. /
BUY-BUST: Usa ka regional level nga high value individual (HVI) ang nasikop atol sa buy-bust sa mga sakop sa Regional Police Drug Enforcement Unit (RPDEU 7), alas 7:45 sa gabii, Martes sa gabii, Abril 9, 2024, sa Sitio Upper, Barangay Bacayan, dakbayan sa Sugbo. / TAMPO

Nabutang sa listahan sa kapulisan isip regional level nga high value individual (HVI) nasikop atol sa buy-bust sa mga sakop sa Regional Police Drug Enforcement Unit (RPDEU 7), alas 7:45 sa gabii sa Martes sa gabii, Abril 9, 2024, sa Sitio Upper, Brgy. Bacayan, dakbayan sa Sugbo.

Ang nasikop giila nga si Carl Kenneth Tura Cabajar, 26, nagpuyo ra usab sa maong lugar.

Nasakmit sa kapulisan ang binulto nga gituohang shabu nga motimbang og 1,500 grams nga dunay standard drug price (SDP) nga P10.2 milyunes.

Sa validation sa RPDEU 7 sa suspek, matod pa, ang sinaligan sa supply sa ilegal nga drugas ug nagsilbing bodegero gikan sa usa ka person deprived of liberty (PDL) nga nailhan sa ngalan nga Anthony Miñoza nga naa sa sulod sa Cebu City Jail.

Si Miñoza, lumad nga taga Bacayan, nadakpan niadtong 2019 sa Talamban Police Station sa kaso gihapon sa ilegal nga drugas.

Human sa subsob nga surveillance sa kapulisan, nasuta nga si Cabajar ang nipadayon sa negosyo ni Miñoza nga mao ang pagpayuhot sa ilegal nga drugas.

Giingong maka-dispose si Cabajar og tulo ngadto sa lima ka kilo matag buwan.

Sa nanglabay nga mga dakop sa drug personalities, mogawas kanunay ang ngalan ni Cabajar nga maoy ilang tinubdan sa supply sa ilegal nga drugas. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph