P10K gitunol sa 2,000 benepisaryo

NAGMAYA: Nahupay ang gibate’ng kalisod sa mga benepisaryo nga nagpaabot sa hinabang human niadtong pagkusokuso sa bagyong Odette niadtong Disyembre 2021. /
NAGMAYA: Nahupay ang gibate’ng kalisod sa mga benepisaryo nga nagpaabot sa hinabang human niadtong pagkusokuso sa bagyong Odette niadtong Disyembre 2021. / Junard ‘Ahong’ Chan Facebook page

Dul-an sa 2,000 ka mga benepisaryo sa Barangay Babag, Agus, ug Bankal, Lapu-Lapu City, ang nakadawat og tag-P10,000 nga cash assistance gikan sa Natio­nal Housing Authority (NHA) nga kabahin sa payout sa Emergency Housing Assistance Program (EHAP).

NAGMAYA: Nahupay ang gibate’ng kalisod sa mga benepisaryo nga nagpaabot sa hinabang human niadtong pagkusokuso sa bagyong Odette niadtong Disyembre 2021. /
NAGMAYA: Nahupay ang gibate’ng kalisod sa mga benepisaryo nga nagpaabot sa hinabang human niadtong pagkusokuso sa bagyong Odette niadtong Disyembre 2021. / Junard ‘Ahong’ Chan Facebook page

Ang maong hinabang pinansiyal gitagana niadtong mga grabeng naapektuhan sa super typhoon Odette niadtong 2021, pinaagi sa abag ni Sena­dor Imee Marcos nga mapadali ang pag-release niini.

Niabag ang Lapu-Lapu City government nga gipangulohan ni Mayor Junard Chan i­­ngon man ang City Social Welfare and Development Office niadtong Sabado, Mayo 11, 2024, sa Hoops Dome, Barangay Gun-ob, dakbayan sa Lapu-Lapu.

Ang maong initial payout nagsilbi nga unang hugna pa lang nga motapos sa adlaw’ng Martes, Mayo 14, diin gilaraw nga 11 ka barangay ang ma-accommodate.

Gipahibawo ni Engr. Rizali­no Cabahug, Regional Mana­ger sa NHA 7 nga sa matag adlaw sa maong scheduled distribution, adunay tulo ka barangay ang maatiman sa maong pagpang apud-apod.

Ang ikaduhang hugna sa maong payout gikatakda sa Hunyo 4-7, samtang ianun­siyo ang schedule sa ikatulo nga hugna.

Atol sab sa maong kalihokan, adunay gipang-apud-apod ang buhatan ni Sen. Marcos nga nutribun, usa ka matang sa pan nga adunay sagul nga ka­­­­labasa ug kamunggay alang ngadto sa mga nagpaabot nga beneficiaries.

Adunay gipanghatag nga duwaan alang sa mga bata nga gikuyog sa ilang mga gi­nikanan. / FVQ

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph