P10M drugas nasakmit

P10M drugas nasakmit
SunStar Local News GPX

Dul-an sa P10 milyunes nga balor sa ilegal nga drugas ang nasakmit sa Police Regional Office (PRO 7) atol sa duha ka adlaw nga Simultaneous Anti-Criminality and Law Enforcement Operation (Sacleo) gikan sa Enero 27-28, 2024 nga niresulta sa pagkasikop sa 142 ka drug personalities.

Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, hepe sa PRO 7, nga gipakusgan pa nila karon ang ilang anti-illegal drug operations.

Gawas niini, gipasabot ni Pelare nga ang Sacleo nagtutok sa tanang matang sa kriminalidad sa tibuok rehiyon siyete aron magpabilin nga hapsay ug malinawon ang komunidad.

Giangkon ni Pelare nga pabilin nga hagit gihapon nila ang pagsumpo sa problema sa ilegal nga drugas sa Central Visayas diin naa gihapon sila’y na-monitor nga supply nga mosulod sa rehiyon.

Bisan pa niini, wala moundang ang operasyon sa kapulisan batok sa ginadiling drugas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph