Kapin sa duha ka kilo nga gituohang shabu nga mobalor og P14,620,000 nasakmit sa kapulisan atol sa buy-bust sa Purok-5, Brgy. Mayacabac, lungsod sa Dauis, Lalawigan sa Bohol, alas 5:13 sa hapon sa Sabado, Pebrero 17, 2024.
Ang suspek giila nga si Guardson Binarao, alyas Gardson, hamtong, taga San Isidro, Tagbilaran City.
Nangulo sa operasyon mao ang hepe sa Dauis Police Station sa Bohol Police Provincial Office (BPPO) nga si Police Lt. Thomas Zen Cheung.
Nakuha sa mga operatiba ang dagkong putos sa gituohang shabu nga motimbang og 2.15 kilos nga dunay standard drug price nga P14,620,000.
Si Binarao giila sa kapulisan nga high value individual (HVI) nga gipaubos sa monitoring human sila nakadawat og impormasyon sa ilegal nga negusyo.