Kapin sa P15.4 million nga balor sa gituohang shabu ang nasakmit sa Police Regional Office (PRO) 7 atol sa tulo ka adlaw nga Simultaneous Anti-Criminality and Law Enforcement Operation (Sacleo) gikan sa Mayo 26 hangtod 28, 2025 nga miresulta sa pagkasikop sa 360 ka suspetsado nga nalambigit sa lain-laing krimen.
Sa datos sa PRO 7, nakasakmit sila og 2,265.93 gramos sa shabu nga dunay standard drug price nga P5,408,324, atol sa 185 ka mga operation ug nakasikop og 215 ka drug personalities.
Nakalusad usab ang kapulisan og 33 ka operations batok illegal gambling nga miresulta sa pagkasikop sa 38 ka mga sugarol og pagkasakmit sa P7,905 nga kwarta sa sugal.
Sa ilang paghingusog sa kampanya batok loose firearms, ang PRO 7 nakalusad og 65 ka operations nga misangpot sa pagkasikop sa 15 ka tawo ug pagkasakmit sa 63 ka armas ug tulo ka explosives.
Samtang sa ilang paggukod sa mga labing pinangita sa balaod, nakasikop sila og 95 ka wanted persons diin 14 niini giila nga most wanted. / AYB