P1.5B shabu nakaplagan sa kadagatan sa Zambales

Pipila ka sako sa gituohan’g shabu nga gibanabana nga motimbang sa 222,655 ka kilo nga adunay estimated market value nga P1.5 billion ang nakuha sa mga mananagat gikan sa kadagatan sa Zambales.

Sa usa ka pamahayag, gibutyag sa Philippine Drug Enforcement Agency (PDEA) nga napulo ka mangingisda gikan sa Bataan ang nakadiskubre sa mga sako nga dunay vacuum-sealed nga transparent plastic sacks sa ilegal nga kontrabando nga naglutaw sa kasadpang bahin sa kadagatan sa Masinloc niadtong Huwebes, Mayo 29, 2025.

Ilang gitunol dayon ang ilegal nga druga ngadto sa mga awtoridad niadtong Hunyo 2, human sila makabalik gikan sa ilang panagat. / TPM /SunStar Philippines