P1.5M danyos sa sunog

P1.5M danyos sa sunog
Hulagway gikan sa BFP Cebu City

Atol sa kataposang adlaw sa 2023, pito ka mga balay ang naapektohan sa su­nog, tulo niini ang higpit naugdaw, sa 3rd St. sa San An­tonio Village, Bara­ngay Apas, si­yudad sa Sugbo, alas 5:00 sa buntag, Dominggo, Disyembre 31.

Sa interview sa Superbalita Cebu ngadto ni SFO1 Emerson Arceo, fire investigator sa Bureau of Fire Protection (BFP) sa siyudad sa Sugbo, nasuta nga ang sunog nagbilin og danyos nga P1.5 milyunes.

Matod ni Arceo, ang sunog unang niulbo sa room 9 sa dos andana nga boarding house nga gipanag-iya ni Vicente Condrado, Sr. nga giaba­ngan sa usa ka ‘Dan’ uban sa usa ka babaye.

Hulagway gikan sa BFP Cebu City

Sigon ni Arceo nga iyang gisusi ang kasayuran nga iyang nakuha nga ang airconditioning unit sa kuwarto nibuto nga hinungdan sa sunog.

Usa ang naangol nga si Benjie Sevilla, 23, ulitawo nga nakaankon og 1st degree burn sa walang bukton ug samad sa tuong tiil.

Ang sunog napasaka sa 1st alarm sa alas 6:05 sa buntag ug nakontrolar kini sa mga bombero sa alas 6:26 sa buntag samtang na-fire out na sa alas 6:35 sa buntag.

Unom ka pamilya o 18 ka mga indibiduwal ang naapektohan niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph