P1.5M danyos sa sunog; 4 ka mga balay naugdaw

MGA BOMBERO: Ang mga sakop sa Cebu City Fire Office (CCFO) nakigbugno sa kayo sa dan Cabreros, Baragay Basak San Nicolas, Siyudad sa Sugbo sa pag-ulbo sa sunog, alas 3: 22 sa kaadlawon sa Huwebes, Oktubre 19, 2023. / Hulagway gikan sa CCFO
MGA BOMBERO: Ang mga sakop sa Cebu City Fire Office (CCFO) nakigbugno sa kayo sa dan Cabreros, Baragay Basak San Nicolas, Siyudad sa Sugbo sa pag-ulbo sa sunog, alas 3: 22 sa kaadlawon sa Huwebes, Oktubre 19, 2023. / Hulagway gikan sa CCFO

Nabalda ang pagpangatulog sa mga lumolupyo sa dan Cabreros, Barangay Basak San Nicolas, Siyudad sa Sugbo tungod sa pag-ulbo sa sunog sa alas 3: 22 sa kaadlawon, Huwebes, Oktubre 19, 2023.

Sa imbestigasyon ni F01 Pedie Canillas, imbestigador sa Cebu City Fire Office (CCFO), nasuta nga upat ka mga balay ang nangaugdaw ug duha ang nakan-an sa kayo.

Upat ka mga pamilya o 16 ka mga tawo ang nangaapektuhan.

Ang CCFO nibanabana sa danyos nga dili mominos sa P1.5 milyunes.

Dugang sa pakisusi sa CCFO, ang sunog nagsugod sa balay nga gipanag-iya ni Cherryl Ornopia nga gipuy-an ni Junrey Cañete ug uban pa.

Ang sunog giisa sa ikaduhang alarma. Way gikataho nga angol sa maong sunog.

Atol ning pagsuwat, nagpadayon pa ang imbestigasyon kon unsay hinungdan niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph