P1.5M shabu nasakmit

P1.5M shabu nasakmit
SunStar Local News GPX

Giila nga high value individual (HVI) sa kapulisan nadakpan sa gilusad nga buy-bust sa mga sakop sa Regional Police Drug Enforcement Unit (RPDEU 7) uban sa Regional Intelligence Unit (RIU 7) ug Philippine Drug Enforcement Agency (PDEA 7) sa San Carlos Heights, Barangay Quiot, dakbayan sa Sugbo, alas 8:30 sa gabii, Huwebes, Abril 11, 2024.

Ang suspek giila nga si Joel Boyles Vallinas, alyas Wel, nagpuyo ra usab sa maong lugar ug sa Barangay Yati, lungsod sa Liloan, amihanang Sugbo.

Nasakmit sa kapulisan ang mga putos sa gituohang shabu nga motimbang og 225 gramos nga dunay standard drug price (SDP) nga P1,530,000.

Sa imbestigasyon sa kapulisan nasuta nga gikan gihapon sa Cebu City Jail ang iyang contact sa supply sa ilegal nga drugas ug siya makabaligya og 200 gramos matag semana.

Usa ka buwan nga gipaubos sa monitoring sa Police Regional Office (PRO 7) si Vallinas una gilusad ang anti-illegal drug operation.

Ang area of operation sa suspek mao ang dakbayan sa Sugbo ug lungsod sa Liloan, lakip na ang kasikbit nga siyudad ug kalungsoran sa amihanan sa probinsya sa Sugbo. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph