MOABOT sa P180 milyunes ang giaprubahan nga pundo ni Cebu Governor Pamela Baricuatro alang sa hinanali nga pag-release niini alang sa pagpalambo sa mga hospital sa Lalawigan sa Sugbo.
Giaprubahan ni Baricuatro ang P180,742,256.60 sa Maintenance and Other Operating Expenses (MOOE) aron mapundohan ang upat ka Provincial Hospitals ug 12 ka District Hospitals sa Hulyo ngadto sa Agusto 2025.
Kini paagi nga makapalit usab sa panginahanglanon nga tambal ug medical supplies, pagsiguro nga anaay igong kapasidad ang mga hospital nga moabag sa mga pasyente niini.
"The move aligns with Governor Baricuatro’s commitment to people-centered governance, underscoring her administration’s focus on making quality healthcare accessible and a top priority for all Cebuanos," matod sa Cebu Provincial Imformation sa Hulyo 14, 2025. / ANV