Nagbilin og danyos nga P1.8 milyon ang sunog nga niigo sa upat ka mga balay sa Woodcrest Residences sa Brgy. Guadalupe, siyudad sa Sugbo, alas 10:36 sa gabii, Sabado, Disyembre 7, 2024.
Ang sunog nagsugod sa balay sa usa ka Donn Frank Rabanes ug Ame Rabanes nga gipuy-an ni Lea Isabelle Rabanes. Ang sunog giisa sa first alarm sa alas 10:42 sa gabii ug na-fire out sa alas 11:01 sa gabii. Usa ang hingpit nga naugdaw ug tulo ang nakan-an sa kayo. Sumala sa kabomberohan, upat ka pamilya nga naapektohan.
Way naangol sa sunog nga ubos pa sa imbestigasyon ni FO2 James Parinasan, imbestigator sa Bureau of Fire Protection (BFP) sa siyudad. / DVG