Usa ka babaye nga kapuyo sa drug personality nadakpan sa mga sakop sa Provincial Intelligence Unit (PIU) sa Bohol Police Provincial Office (BPPO) sa sa Purok 4, Barangay Anislag, lungsod sa Corella, Bohol, alas 8:40 sa gabii, Huwebes, Septiyembre 26, 2024.
Ang suspek giila nga si Renedette Goloso, 35, residente sa Purok 2B, Barangay Cabawan, dakbayan sa Tagbilaran.
Nakuha sa mga operatiba ang 160 gramos sa gituohan shabu nga dunay standard drug price nga P1,088,000.
Ang mga sakop sa PIU sa BPPO sa pagpangulo ni Police Lieutenant Mark Jucel Reburiano ubos sa superbisyon ni Police Lieutenant Colonel Joemar Pomarejos, hepe sa PIU, milusad sa buy-bust sa maong suspek human makakuha og impormasyon nga mibalik na usab kini sa iyang naandan nga negosyo.
Giingong usa ka drug personality ang napuyo sa suspek nga nabilanggo sa Abuyog Penal Farm nga mao usab ang giingong tig-supply niya sa ilegal nga drugas.
Ang Police Regional Office (PRO) 7 nimando sa hugot nga mo-monitoring ug palusad og operason batok sa ilega sa Bohol nga naila na karon nga transshipment na usab sa drugas. / AYB