Ipatuman na sa mga probinsiya sa Mindanao ang ikaduhang hugna sa tag P20 matag kilo nga bugas sugod sa Hulyo 2025, pahibawo ni Agriculture Secretary Francisco Tiu Laurel Jr., niadtong Lunes, Mayo 19, 2025.
Sa press conference, si Laurel nagkanayon nga ang ikaduhang hugna sa programa ipatuman sa Zamboanga del Norte, Basilan, Cotabato City, Tawi-Tawi, Maguindanao del Sur, Maguindanao del Norte, Davao Oriental ug Sorsogon.
Matod ni Laurel nga ang maong mga dapit gipili tungod sa taas nga ihap sa mga pobre.
Ang mga Probinsiya sa Sultan Kudarat, Lanao del Norte, Catanduanes, Agusan del Sur, Sarangani ug Dinagat Island maoy masakop sa ikatulong hugna sa pagpatuman sa programa sa Septiyembre.
Una nang gibutyag sa MalacaƱang nga adunay igong pundo ang gobiyerno alang sa subsidized rice program sa bugas hangtod na sa Disyembre 2025.
Ang programa unang gilusad sa Kabisay-an una kini gipatuman sa Kadiwa ng Pangulo Centers sa Luzon. / TPM / SunStar Philippines