P205M nga dugang pundo sa Palaro 2024 gipangayo

Cebu City Sports Center
Cebu City Sports CenterFile Photo

Nangayo ang executive de­part­ment sa Cebu City Hall og dugang pundo nga P205,974,032 alang sa Pa­larong Pambansa.

Sa pakighinabi sa telepono niadtong Huwebes, Pebrero 22, 2024, si Cebu City Councilor Noel Eleuterio Wenceslao, chairman sa committee on budget and finance, niingon nga si Cebu City Mayor Michael Rama nipirma na sa proposal sa maong hangyo.

Ang hangyo iapil sa supplemental budget no. 1, nga wala pa masumiter sa Konseho.

Ang supplemental budget naglakip usab sa charter bonus sa mga empleyado.

Si Wenceslao niingon nga ang gisugyot nga kantidad way labot sa giaprubahan nga P200 milyunes nga gigahin alang usab sa Palaro karong Hulyo dinhi sa Sugbo.

Ang dakbayan sa Sugbo, pinaagi ni Rama, nidaug sa bidding sa Palarong Pambansa 2024, sa ikatulong higayong higayon. Ang una niadtong 1954 ug ikaduha sa 1994.

Ang Cebu City, isip host, nangandam karon sa mga pasilidad.Ang Palarong Pambansa 2024 gitakdang ipahigayon sa Hulyo 6 hangtod 17, 2024.

Sa eskedyul sa mga kalihukan, ang mga delegado gipaabot nga moabot sa Hulyo 6 ug 7.

Ang Siyudad nagpaabot og 10,000 ngadto sa 12,000 ka mga indibidwal, nga gilangkuban sa mga atleta ug mga coach.

Ang pagpahigayon sa labing dako nga sports meet sa nasod gisuspenso tungod sa Covid-19 pandemic.

Ang katapusang host sa Palaro sa wala pa kini naundang mao ang Davao City niadtong 2019.

Niadtong Pebrero 2, gilagdaan nila ni Rama ug Bise Presidente ug Education Secretary Sara Duterte ang memorandum of agreement (MOA) alang sa pag-host sa Palarong Pambansa 2024.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph