MOKABAT sa P21 milyunes ang danyos sa pagkasunog sa usa ka bodega sa construction materials ug mga ekipo sa Miyerkules sa alas 9:51 sa gabii, Abril 3, 2024 sa Rabaya Street, Kimba, Barangay San Roque, Dakbayan sa Talisay.
Ang bodega dunay sulod nga plastic PvP pipes, solvent, solignum,power tools,tools,welding rods ug uban pa.
Matod ni FO1 Jerome M. Dolauta imbestigador sa Talisay City Fire Station, nga ilang nakontrolar ang kayo alas 10:45 na sa gabii apan nikombate pa sila hangtod sa kaadlawon.
Hingpit kini nga napawong mga alas 4:05 na sa kaadlawon sa Huwebes, Abril 4, 2024. Matod ni Dolauta nga ila pang gisusi ang sinugdanan sa kayo. (DVG)